“Gənc Psixoloqlar” İctimai Birliyinə üzvlük qaydaları

1. İctimai Birlik haqqında məlumat

1.1“Gənc Psixoloqlar” İctimai Birliyinin əsas məqsədləri:

“Gənc Psixoloqlar” İctimai Birliyinin əsas məqsədi gənc və tələbə psixoloqlar arasında şəbəkələşmə yaratmaqla cəmiyyətimizin psixi sağlamlığının qorunması istiqamətində vahid fəaliyyəti təşkil və təmin etməkdir. Bu istiqamətdə Birlik milli iqtisadiyyatın, elmin, təhsilin, mədəniyyətin inkişafına kömək məqsədilə respublikanın elmi-psixoloji potensialının psixologiya elminin nəzəri-metodoloji və praktik məsələlərinin həllinə aktiv cəlb olunmasını, psixologiyanın ümumi nəzəriyyələrinin inkişafı və onun tətbiqi sahələrinin işlənməsini, psixologiya elminin aktual məsələlərinin həllinə kömək etməyi, psixologiya elminin nailiyyətlərinin praktikaya tətbiq etmək, elmin, mədəniyyətin inkişafı, müasir və innovativ idarəetmə, təhsil və tərbiyənin effektivliyini artırmaq məqsədi ilə psixoloji xidmətlərin yaradılmasında iştirak etməyi, psixoloji biliklərin, psixologiya sahəsində elmi-tədqiqat və elmi-praktik işləri təbliğ etməyi öz qarşısına məqsəd qoymuşdur.

1.2 “Gənc Psixoloqlar” İctimai Birliyinin vəzifələri:

“Gənc Psixoloqlar” ictimai birliyi öz məqsədlərini həyata keçirmək üçün elmi və təşkilati məsələlərin müzakirəsi üçün iclas, konfrans və qurultaylar keçirməyi, psixoloqlar assosasiyalarının təşkil etdiyi beynəlxalq konfrans, iclas və simpoziumlarda Azərbaycanın gənc psixoloqlarının iştirakını təşkil etməyi və əməkdaşlıq əlaqələrinin qurulmasını, cəmiyyətimizin psixi sağlamlığı istiqamətində yerli və beynəlxalq layihələrdə iştirak etməyi planlaşdırır.

1.3 Kimlər üzv ola bilər?

“Gənc Psixoloqlar” İctimai birliyinə;

  • Psixologiya və ya təhsildə sosial-psixoloji xidmət istiqaməti üzrə bakalavr, magistr, doktorantura təhsili alan tələbələr və məzunlar
  • Psixologiya istiqaməti üzrə fəaliyyət göstərən gənc alimlər və müəllimlər
  • Praktik psixologiya ilə məşğul olan hər bir ixtisaslı şəxs üzv ola bilər.
 
 
2. Üzvlük haqqında məlumat
 

2.1 “Gənc Psixoloqlar” İctimai Birliyinə üzvlük onlayn qeydiyyat formatında aparılır.  Üzvlük ödənişlidir, məbləğ 25 AZN təşkil edir.
“Gənc Psixoloq” adlanan üzvlük kartı alındığı gündən 2 il müddətinədək etibarlıdır. Kartın sifarişçisi – üzv, “Gənc Psixoloqlar” İctimai Birliyinin ona təqdim etdiyi üzvlük qaydaları və şərtləri ilə tanış olduqdan və  qeydiyyat anketindəki ulduzlu bölmələrin (*) doldurulması icbari olan fərdi məlumatlarını daxil etdikdən sonra üzvlük haqqında ödənişi açılan növbəti səhifədən plastik kartla onlayn ödəmə sistemi vasitəsilə həyata keçirməlidir.

Birliyin üzvü olmaq niyyətində olan şəxslərə aşağıda qeyd olunan sənədlər onlayn qeydiyyat anketində tələb edilir!

  • 3×4 formatında fotoşəkil – şəxsi telefon vasitəsilə aşağıdaki formatda çəkilə bilər.

(*Üzvlük kartında istifadə ediləcək.)

 

  •  Diplomunuzun və ya tələbə biletinizin skan edilmiş və ya səliqəli, aydın formada çəkilmiş şəkli

 

  • Şəxsiyyətinizi təsdiq edən sənədin skan edilmiş və ya səliqəli, aydın formada çəkilmiş şəkli

 

Üzvlük kartı üzvlük müraciətinizin təsdiq edildiyi  gündən etibarən 1 ay (30 gün) ərzində hazırlanır və yeni üzvə təqdim edilir.

 

3. “Gənc Psixoloqlar” İctimai Birliyinə üzv olmağın üstünlükləri

  • Gənclərin və psixoloq  mütəxəssislərin toplandığı elmi-kütləvi birliyin – “Gənc Psixoloqlar” İctimai Birliyinin, gənclərin deyimi ilə isə böyük “GPB” ailəsinin bir parçası olmaq şansı
  • Yalnız üzvlər üçün təşkil edilən interaktiv onlayn və ya canlı görüşmələr vasitəsilə həyata keçirilən innovativ müxtəlif psixoloji layihələrdə, təlim və seminarlarda iştirak imkanları.
  • Gənc ruhlu, sosial və əyləncəli müzakirələrlə zəngin üzvlərimizlə birgə psixoloji akademik ətraf mühitə sahib olmaq və əlaqələri genişləndirmək şansları
  • Mütəxəssislərin dəvət olunması ilə görüşlərdə iştirak imkanı
  • “Gənc Psixoloqların Qış və Yay məktəbləri”ndə iştirak şansı
  • “Gənc Psixoloqlar”-ın Karyera İnkişaf Akademiyasından dəstək və konsultasiya almaq imkanları
  • “Gənc Psixoloqlar” İctimai Birliyinin əməkdaşlıq etdiyi müxtəlif növ obyektlərdən (kitab mağazaları, dil kursları və.s) üzvlük kartını təqdim etməklə alış-veriş etdikdə və ya xidmətlərdən yararlandıqda müxtəlif növ endirimlər əldə etmək fürsəti
  • “Gənc Psixoloq” kitabxanasından yararlanmaq fürsəti

 

3.3 Birliyin üzvü yalnız Birliyin müvafiq orqanları səlahiyyət verdikdə həmin orqanı təmsil edə və onun adından bəyanatla çıxış edə bilər.

3.4 Birliyin üzvlərdən aşağıdakı vəzifələri daşıyırlar

  • Birliyin nizamnaməsinə əməl etmək;
  • Birliyin seçkili orqanlarının qərarlarını yerinə yetirmək;
  • Nizamnamə tələblərinə riayət etmək;
  • Birliyin tədbirlərində iştirak etmək;

 

3.5 Üzvlüyə aşağıdaki hallarda xitam verilir;

  • Könüllü olaraq Birliyin üzvlüyündən çıxdıqda;
  • Birliyin üzvlüyündən çıxarıldıqda.

 

3.6 Birliyin  üzvü aşağıdaki hallarda üzvlükdən xaric edilir;

  • Birliyin adına ləkə gətirən hərəkətlərə yol verdikdə;
  • Mütəmadi olaraq Birliyin işində iştirak etməkdən boyun qaçırıdıqda;
  • Nizamnamə məqsədlərinə zidd hərəkət etdikdə.
  • “Gənc Psixoloq” üzv kartından sui-istifadə halları aşkar edildikdə.

 

3.7. Üzvlükdən çıxarılma İdarə Heyətinin qərarı ilə həyata keçirə bilər.

 

 

 

Yeniləndi: 01/09/2020